[FONT=Verdana, Arial, Helvetica, sans-serif]ترکی بیر چشمه الیسه، من اونی دریا ائله دیم،[/FONT]
[FONT=Verdana, Arial, Helvetica, sans-serif]بیر سویوق معرکه نی محشر کبرا ائه لدیم.[/FONT]
[FONT=Verdana, Arial, Helvetica, sans-serif]یر ایشیلتیدی سها اولدوزی تک گورسنمز،[/FONT]
[FONT=Verdana, Arial, Helvetica, sans-serif]گوز یاشیملا من اونی عقد ثریا ائله دیم.[/FONT]
[FONT=Verdana, Arial, Helvetica, sans-serif]امیدیم وار که بو دریا هله اقیانوس اولا،[/FONT]
[FONT=Verdana, Arial, Helvetica, sans-serif]اونا ضامن بو زمینه که مهیا ائله دیم.[/FONT]
[FONT=Verdana, Arial, Helvetica, sans-serif]عرفانا چاتماسا شعر وادب ابقا اولماز،[/FONT]
[FONT=Verdana, Arial, Helvetica, sans-serif]من ده عرفانه چاتیب، شعریمی ابقا ائله دیم.[/FONT]
[FONT=Verdana, Arial, Helvetica, sans-serif]ابدیتله یاناشدیم دوغلا حافظه تای،[/FONT]
[FONT=Verdana, Arial, Helvetica, sans-serif]شیرازین شاهچراغین تبریزه اهدا ائله دیم.[/FONT]
[FONT=Verdana, Arial, Helvetica, sans-serif]ترکی نین جانینی آلمیشدی حیاسیز طاغوت،[/FONT]
[FONT=Verdana, Arial, Helvetica, sans-serif]من حیات آلدیم اونا، حق ایچون احیا ائله دیم.[/FONT]
[FONT=Verdana, Arial, Helvetica, sans-serif]قمه قدارهلر آغزیندا دیل اولمیشدی سوگوش،[/FONT]
[FONT=Verdana, Arial, Helvetica, sans-serif]من سه وینج ائتدیم اونی، خنجری خرما ائله دیم.[/FONT]
[FONT=Verdana, Arial, Helvetica, sans-serif]ایندی گویلرده گوزل صفله صفا ایله گزیر،[/FONT]
[FONT=Verdana, Arial, Helvetica, sans-serif]منجلابلاردا اوزن اردگی دورنا ائله دیم.[/FONT]
[FONT=Verdana, Arial, Helvetica, sans-serif]باخ که (حیدر بابا)افسانه تک اولموش بیر قاف،[/FONT]
[FONT=Verdana, Arial, Helvetica, sans-serif]من کیچیک بیر داغی سر منزل عنقا ائله دیم.[/FONT]
[FONT=Verdana, Arial, Helvetica, sans-serif]بوردا(روشن ضمیرین) ده هنرین یاد ائده لیم،[/FONT]
[FONT=Verdana, Arial, Helvetica, sans-serif]من اونون دا قلمین طوطی گویا ائله دیم.[/FONT]
[FONT=Verdana, Arial, Helvetica, sans-serif]نه تک ایراندا منیم ولوله سالمیش قلمیم،[/FONT]
[FONT=Verdana, Arial, Helvetica, sans-serif]باخ که ترکیه ده، قفقازدا نه غوغا ائله دیم.[/FONT]
[FONT=Verdana, Arial, Helvetica, sans-serif]باخ که تهراندا نه فرزانه لراولموش واله،[/FONT]
[FONT=Verdana, Arial, Helvetica, sans-serif]باخ که تبریزده نه شاعرلری شیدا ائله دیم.[/FONT]
[FONT=Verdana, Arial, Helvetica, sans-serif]هم (سهندیه) سهندین داغین ائتدی باش اوجا،[/FONT]
[FONT=Verdana, Arial, Helvetica, sans-serif]هم من ئوز قارداشیمین حقینی ایفا ائله دیم.[/FONT]
[FONT=Verdana, Arial, Helvetica, sans-serif]آجی دیللرده شیرین ترکی اولوردی حنظل،[/FONT]
[FONT=Verdana, Arial, Helvetica, sans-serif]من شیرین دیللره قاتدیم اونی حلوا ائله دیم.[/FONT]
[FONT=Verdana, Arial, Helvetica, sans-serif]هر نه قالمیشدی کئچنلردن اونا بال پتگی،[/FONT]
[FONT=Verdana, Arial, Helvetica, sans-serif]اریدیب مومولو بالین شهد مصفا ائله دیم.[/FONT]
[FONT=Verdana, Arial, Helvetica, sans-serif]ترکی، واللاه، آنالار اوخشاغی، لایلای دیلی دیر،[/FONT]
[FONT=Verdana, Arial, Helvetica, sans-serif]دردیمی من بو دوا ایله مداوا ائله دیم.[/FONT]
[FONT=Verdana, Arial, Helvetica, sans-serif]شهریار، حیف ساووخدیر بو دگیرمان هله ده،[/FONT]
[FONT=Verdana, Arial, Helvetica, sans-serif]دارتماغا یوخدی دنی،من ده مدارا ائله دیم.[/FONT]