hokey
عضو جدید
داستانهاي تركي (3)
داستانهاي تركي (3)
ليرضا ذيحق
قرآن ناغيل لاري:
"حضرت سليما ن" ين داستاني
حضرت داوود، اوغلو سليماني اؤزونه جانيشين سئچه رك بني اسرائيل خلقي ، چئشيدلي بهانه لر له بو ايشه قارشي چيخيب اعتراض سس لريني اوجالتديلار. تا كي داوود نبي نين گؤستريشي له كيمسه بو ايشه اؤزونو لاييق بيليردي سه ، هره بير اَل آغاجي گؤتوروب گلدي و قرار اولدو كي صابا حاجان هانسي اَل آغاجي گؤيه ريب يارپاق آچارسا ، اونون صاحيبي" داوود" ون تختينده اوتورا .هامي سحره جان آييق قالاراق، تعجب لرايچره هر لحظه گؤرور لر تكجه " سليمان " ين آغاجي ديركي گؤيه ره ر كن يام ياشيل يارپاق لار آچير.
حضرت سليمان حوكومَته چا تاراق ، تانري نين ايسته يي له پيغمبر لي يه ده چاتير و بوتون اينسانلار ، جين لر ، اينس لر ، پري لر و قوشلار اونون فرمانيندا اولورلار . هابئله دومانلارين و توفان لارين ايختيياري و ايراده سي ده سليمانا تاپشيريلير . اورا جان كي حتتا سليمانين قوشونو و هامي اصحابي ائده بيليرلر سيلاح لاري و آتلاري نان بير ليك ده ، اونون امري نن دونيانين هر هاراسينا اولورسا يئل لر قوينوندا گئده لر .
حضرت سليمان بيت المقدس ده آتاسي " داوود " ون بَنا ائتمه يه چاليشديقي قدس مسجيدي نين دوزه ليب قورتولماسي اوچون بؤيوك تلاشي اولاراق اونون دستورونان ، پري لرين ده مر مر قايالاري تاپماقدا ، قازماقدا و اورا داشيماقدا دَيَر لي چابا لاري اولور.
سليمان تانري نين ياراتديقي هر بير وارليقين ديليني بيله رك اونلار لا راحا تجا دانيشيب و آنلاشيردي. بير گون حضرت سليمان جماعت له بيرليكده تانري دان ياغيش ديله مك اوچون چؤله چيخينجا بير قاريشقا گؤرور كي قانادلاريني آچاراق اَل لريني گؤيه اوزالديب آللاه تعالايا " قييما كي بيز قاريشقالاروباشقا بؤيو جكلر و حئيوانلار، اينسانلارين گوناهي اوزون دن روزو سوز قاليب عطش دن قيريلاق" دئيير.
بو آن دا حضرت سليمان اوزونوخلقه چئويريب دئيير : " قاييدين كي تانري نين رحمت ياغيشي تئز ليك له ياغا جاق ! نييه كي هامي يا ، شفاعت و بركت ديله ين بير قاريشقا گؤردوم ."
گلديك لري يولون چوخونو هله قاييتماميشديلار كي بير دن بيره گؤي اوزونوبولود لار چولقالادي. ايلديريم لار شاخدي و ياغيش باشلادي ياغماغا.
سليمان يئر اوزونون اَن زنگين پاديشاهي و نبي سي اولاراق بيت المقدس شهري ني يئني دن ائله قييمت لي و ايشيلتي لي داش لار ، مرمر لر ، الماس لار و جواهير لر له قاييتديرير كي او شهرين اون ايكي دروازه سي اولاراق بني ايسرائيلين هر طايفا سينا دا بير محله تيكديرير . قدس مسجيدينين گؤزل لي يي اوچون ده معدن لردن اَله گلن قيزيل ، گوموش، ياقوت و جواهير لرده معمارلارين و صنعتكارلارين تلاشي نان ، مسجيدين كفي نه دؤشه نير و دووارلاردا گؤزقاماشديريجي زينت لرله بَزه نير .
سليمانين سلطنت تختي ني ده صنعتچي لر ائله گؤزل دوزه لدير لر كي تختين پايه لري ايكي اصلان شكلينده اولاراق تختين باشيندا دا ايكي قارتال هئيكلي نقش اولور . تانري نين لوطفي و مرحمتي ده سليمانا يار اولاركن ، سليمان تختينه چيخماق همين ، شيرلر جان تاپيپ اونا تعظيم ائده رك قارتال لار دا قانا د آچيب اونو پئپ لير ديلر .
سليمان دونيانين اَن زنگين اينساني اولسادا اؤز اَلي نين زحمتي نن پول قازانيب آغاجلارين كول لاريندان و يارپاقيندان توخودوقو چئشيد لي اشيالارين گليري نن قارنيني دويوراردي و حتتا اؤز اَمه يي نين قازانجي نان كعبه ني زييارت ائتديك ده يئر اوزونده بيرينجي اينسان اولور كي كعبه دوووارينا كتان پارچا لار آسير.
بير گون دريا نهنگ لريندن بيري حضرت سليمان دان يئمك ايستير كي اونون اَمري نن سارايين بير آيليق خوره يي نهنگه وئري لينجه او بير گؤز قيرپيميندا هاميسيني يئييب اودار كن دئيير: " بو طعام لار منيم بير ائونه ليك خوره ييم دن ده آزايدي !"
سليمان تعجب لره دالاراق گؤزه گؤرونمز اولو تانري نين عظمتيني بير آن داها دوشونه رك آللاه تعالانين بركتيني او قَدَر توكنمز و سون سوز گؤرور كي يئرده گؤي ده و دريا لار دا ياشايان وارليق لارين هئچ بيري روزو سوز قالمادان هاميسي ايسه ايللر بويودور ياشام لارينا دوام وئرير لر.
سليمانين هر اينسان كيمي آجي و شيرين گونلري اولسادا يا شاديقي اَن آجي دويغو ، ائولادي نين اؤلومو ايدي . او اوغلونا دونيالارجا سئوه ركن بير گون گؤرور كي عزرائيل اونا كج باخير و آنلايير كي اوغلونون اَجلي ياخين دير . دوشور فيكره كي نئيله سين نئيله مه سين و آخيردا بو دوشونجه ايله كي آللاهين مصلحتيند ن قاچماق اولماز و اؤلوم حق دير ، اؤز آجي طالعيني گؤزله يير .
سبا اؤلكه سي نين ملكه سي " بيلقئيس "، سليمان نبي نين شان شؤهرَتي ني ائشيديب اونون شكليني گؤره رك جان ائويندن اونو سئوسه ده حضرت سليمان، بيلقئيس ين تانر ي يا اينامي اولما ماق اوزره بو عشقي قارشي سيز قويور. آنجاق بيلقئيس ين يوللاديقي قاصيد لر واسيطه سيله يالواريش لاري اوزره اونا بير مكتوب يازاراق وئرير بير بوببو يا كي يئتيرسين بيلقئيسه . نامه ده بئله يازير :" بيرجه آللا ها اينا نير سان اگر و منيم پيغمبر لي ييمي قبول ائديرسن سه اوندا گل گؤروشه ك ."
بو اوزدن ده بلقيس ، سبا اؤلكه سيندن بير بؤيوك قُشو ن لا يولا دوشور تا سليمان لا گؤروشه رك اونو ايمتاحانا چكه . حضرت سليمان بيلقئيس ين گلدي ييني بيله رك او چاتينجا بيلقئيس اوچون ائله بير قصر تيكديرير كي هر يئري آينا و شوشه اولاراق ، قصرين آلتيندان آخيشان بولور سولار گؤز قاماشديرير . بيلقئيس ، سبا يوردونون زنگين لي ييني و اؤز وار دؤولتي ني سليمانين اوزونه چكمه يه خاطير دستور وئرير كي شَهَرين دروازه سيندن تا سليمانين قصرينه جان يئر ه قيزيل دؤشه سين لر . آنجاق بيلقئيس ، بيت المقدس شهري نين شوكت و جلاليني گؤردوك ده و اونا خاطير تيكيله ن قصره آياق قويدوقدا ، وئر ديگي فخر
اوچون اوتانج دان آلني نا تَر سوزور.
آمما بيلقئيس كي اؤزونو تانيتمادان قاتميشدي 400 كنيزين ايچينه كي هاميسي دا بير قيليق گئيينميشديلر سليماني ايمتاحانا چكير . حضرت سليمان اونلارين ايچيندن بيلقئيسي تاني ياراق ايكينجي بير ايمتاحان قابا غا گلير . بيلقئيس اونا بير آغزي باغلي صانديق هديه وئره رك اونون ايچينده نه اولدوسونو سوروشور. سليمان يئنه ده دوزجواب وئرير. نهايت ده بيلقئيس ايستير كي بيتؤو بير ميرواريد دن اينجه بير تئل كئچيره و آلي ده او ميرواريده دَيمه يه . حضرت سليمان ذرّه بوي دا بير قاريشقادان ايستير كي او اينجي ني دَله رك آراسيندان اينجه ايپك بير ايپ كئچيرده كي ائله ده اولور . حضرت سليمان مرواريدي بلقيس ين بوينونا آساراق بيلقئيس ده تانري يا و سليمانين ايلاهي رسالتينه اينا ناراق آرالاريندا نيكاح قيلينير .
ائولن مه دن اؤنجه بيلقئيس ين حضرت سليمانا ، نئچه هديه سي اولور كي اونلاردان بيري " حمير " شاهلاريندان ياديگار قالان بير عصا ايدي و بيري ده بولور پارلاق بير قاب . بير شرطي ده اولور كي گرك حضرت سليمان او قابي ائله بير سودان دولدورا كي اوسويو نه يئرده تاپماق اولا نه گؤي ده . بو اوزدن ده سليمان ايلخي نين آتلاريني او قَدَر قاچيردير كي جانلاريندان سو كيمي تر آخيري و آخان تر لري قابا ييغاراق قايتارير بيلقئيسه .
حضرت سليمان لا بيلقئيس، شان شؤهرت لرينه ياراشان بير توي توتاركن سبا يوردونون عجاييب لريني گؤرمك اوچون سبا يئلي نين قاناد لارينا مينيب چيخير لار گز مه يه . اونلار بيرگه و سعادت دولو حيات سوره ره ك بير گون سليمان ، سارايين لاپ اوجا قاتينا چيخاراق اؤلكه سيني گؤزدن كئچيرير. خلقي آراميش ده و يوردونو دينج و آباد گؤردوك ده سئوينير و طبيعتين گؤزل ليك لرينه واله قالاراق تانري يا شوكر ائدير .
حئيرا ن ليق لارايچره غرق اولا ن سليمان بيردن بيره عزرائيله توش چيخيب ، گولوش و ريضايت له جانيني تسليم ائديري. حضرت سليمان جان وئر ديك ده عصاسينا دايانيب يوكسك لردن يئره باخديقينا گؤره كيمسه اونو اؤلموش بيلمه ييب و هامي ظن ائدير كي بودا بير معجزه دير . نييه كي سارايين اوجا قاتينا چيخديقدا بيلقئيسه و هامي يا تاپشير ميشدي كي اؤزو يئره يئنمه يينجه كيمسه اونو ن داليجا گلمه سين . تا كي گونلرين بييرينده كي دوز بير ايل اوزامان دان كئچميشدي و هامي دا سليماني ،عصاسينا سؤيكن ميش حالدا گؤرور دو، تانري نين امري له سئوگيليسي بيلقئيسين هديه ائله دييي عصاني مورلر يييه رك سليمان پيغمبر ييخلير كي بو نو گؤره ن خلق يارديما قوشور . ساراي اهلي كؤمه يه گئتديك ده گؤرورلركي حضرت سليمان بير ايل ايميش كي ائله اؤلموش اوموش .
داستانهاي تركي (3)
ليرضا ذيحق
قرآن ناغيل لاري:
"حضرت سليما ن" ين داستاني
حضرت داوود، اوغلو سليماني اؤزونه جانيشين سئچه رك بني اسرائيل خلقي ، چئشيدلي بهانه لر له بو ايشه قارشي چيخيب اعتراض سس لريني اوجالتديلار. تا كي داوود نبي نين گؤستريشي له كيمسه بو ايشه اؤزونو لاييق بيليردي سه ، هره بير اَل آغاجي گؤتوروب گلدي و قرار اولدو كي صابا حاجان هانسي اَل آغاجي گؤيه ريب يارپاق آچارسا ، اونون صاحيبي" داوود" ون تختينده اوتورا .هامي سحره جان آييق قالاراق، تعجب لرايچره هر لحظه گؤرور لر تكجه " سليمان " ين آغاجي ديركي گؤيه ره ر كن يام ياشيل يارپاق لار آچير.
حضرت سليمان حوكومَته چا تاراق ، تانري نين ايسته يي له پيغمبر لي يه ده چاتير و بوتون اينسانلار ، جين لر ، اينس لر ، پري لر و قوشلار اونون فرمانيندا اولورلار . هابئله دومانلارين و توفان لارين ايختيياري و ايراده سي ده سليمانا تاپشيريلير . اورا جان كي حتتا سليمانين قوشونو و هامي اصحابي ائده بيليرلر سيلاح لاري و آتلاري نان بير ليك ده ، اونون امري نن دونيانين هر هاراسينا اولورسا يئل لر قوينوندا گئده لر .
حضرت سليمان بيت المقدس ده آتاسي " داوود " ون بَنا ائتمه يه چاليشديقي قدس مسجيدي نين دوزه ليب قورتولماسي اوچون بؤيوك تلاشي اولاراق اونون دستورونان ، پري لرين ده مر مر قايالاري تاپماقدا ، قازماقدا و اورا داشيماقدا دَيَر لي چابا لاري اولور.
سليمان تانري نين ياراتديقي هر بير وارليقين ديليني بيله رك اونلار لا راحا تجا دانيشيب و آنلاشيردي. بير گون حضرت سليمان جماعت له بيرليكده تانري دان ياغيش ديله مك اوچون چؤله چيخينجا بير قاريشقا گؤرور كي قانادلاريني آچاراق اَل لريني گؤيه اوزالديب آللاه تعالايا " قييما كي بيز قاريشقالاروباشقا بؤيو جكلر و حئيوانلار، اينسانلارين گوناهي اوزون دن روزو سوز قاليب عطش دن قيريلاق" دئيير.
بو آن دا حضرت سليمان اوزونوخلقه چئويريب دئيير : " قاييدين كي تانري نين رحمت ياغيشي تئز ليك له ياغا جاق ! نييه كي هامي يا ، شفاعت و بركت ديله ين بير قاريشقا گؤردوم ."
گلديك لري يولون چوخونو هله قاييتماميشديلار كي بير دن بيره گؤي اوزونوبولود لار چولقالادي. ايلديريم لار شاخدي و ياغيش باشلادي ياغماغا.
سليمان يئر اوزونون اَن زنگين پاديشاهي و نبي سي اولاراق بيت المقدس شهري ني يئني دن ائله قييمت لي و ايشيلتي لي داش لار ، مرمر لر ، الماس لار و جواهير لر له قاييتديرير كي او شهرين اون ايكي دروازه سي اولاراق بني ايسرائيلين هر طايفا سينا دا بير محله تيكديرير . قدس مسجيدينين گؤزل لي يي اوچون ده معدن لردن اَله گلن قيزيل ، گوموش، ياقوت و جواهير لرده معمارلارين و صنعتكارلارين تلاشي نان ، مسجيدين كفي نه دؤشه نير و دووارلاردا گؤزقاماشديريجي زينت لرله بَزه نير .
سليمانين سلطنت تختي ني ده صنعتچي لر ائله گؤزل دوزه لدير لر كي تختين پايه لري ايكي اصلان شكلينده اولاراق تختين باشيندا دا ايكي قارتال هئيكلي نقش اولور . تانري نين لوطفي و مرحمتي ده سليمانا يار اولاركن ، سليمان تختينه چيخماق همين ، شيرلر جان تاپيپ اونا تعظيم ائده رك قارتال لار دا قانا د آچيب اونو پئپ لير ديلر .
سليمان دونيانين اَن زنگين اينساني اولسادا اؤز اَلي نين زحمتي نن پول قازانيب آغاجلارين كول لاريندان و يارپاقيندان توخودوقو چئشيد لي اشيالارين گليري نن قارنيني دويوراردي و حتتا اؤز اَمه يي نين قازانجي نان كعبه ني زييارت ائتديك ده يئر اوزونده بيرينجي اينسان اولور كي كعبه دوووارينا كتان پارچا لار آسير.
بير گون دريا نهنگ لريندن بيري حضرت سليمان دان يئمك ايستير كي اونون اَمري نن سارايين بير آيليق خوره يي نهنگه وئري لينجه او بير گؤز قيرپيميندا هاميسيني يئييب اودار كن دئيير: " بو طعام لار منيم بير ائونه ليك خوره ييم دن ده آزايدي !"
سليمان تعجب لره دالاراق گؤزه گؤرونمز اولو تانري نين عظمتيني بير آن داها دوشونه رك آللاه تعالانين بركتيني او قَدَر توكنمز و سون سوز گؤرور كي يئرده گؤي ده و دريا لار دا ياشايان وارليق لارين هئچ بيري روزو سوز قالمادان هاميسي ايسه ايللر بويودور ياشام لارينا دوام وئرير لر.
سليمانين هر اينسان كيمي آجي و شيرين گونلري اولسادا يا شاديقي اَن آجي دويغو ، ائولادي نين اؤلومو ايدي . او اوغلونا دونيالارجا سئوه ركن بير گون گؤرور كي عزرائيل اونا كج باخير و آنلايير كي اوغلونون اَجلي ياخين دير . دوشور فيكره كي نئيله سين نئيله مه سين و آخيردا بو دوشونجه ايله كي آللاهين مصلحتيند ن قاچماق اولماز و اؤلوم حق دير ، اؤز آجي طالعيني گؤزله يير .
سبا اؤلكه سي نين ملكه سي " بيلقئيس "، سليمان نبي نين شان شؤهرَتي ني ائشيديب اونون شكليني گؤره رك جان ائويندن اونو سئوسه ده حضرت سليمان، بيلقئيس ين تانر ي يا اينامي اولما ماق اوزره بو عشقي قارشي سيز قويور. آنجاق بيلقئيس ين يوللاديقي قاصيد لر واسيطه سيله يالواريش لاري اوزره اونا بير مكتوب يازاراق وئرير بير بوببو يا كي يئتيرسين بيلقئيسه . نامه ده بئله يازير :" بيرجه آللا ها اينا نير سان اگر و منيم پيغمبر لي ييمي قبول ائديرسن سه اوندا گل گؤروشه ك ."
بو اوزدن ده بلقيس ، سبا اؤلكه سيندن بير بؤيوك قُشو ن لا يولا دوشور تا سليمان لا گؤروشه رك اونو ايمتاحانا چكه . حضرت سليمان بيلقئيس ين گلدي ييني بيله رك او چاتينجا بيلقئيس اوچون ائله بير قصر تيكديرير كي هر يئري آينا و شوشه اولاراق ، قصرين آلتيندان آخيشان بولور سولار گؤز قاماشديرير . بيلقئيس ، سبا يوردونون زنگين لي ييني و اؤز وار دؤولتي ني سليمانين اوزونه چكمه يه خاطير دستور وئرير كي شَهَرين دروازه سيندن تا سليمانين قصرينه جان يئر ه قيزيل دؤشه سين لر . آنجاق بيلقئيس ، بيت المقدس شهري نين شوكت و جلاليني گؤردوك ده و اونا خاطير تيكيله ن قصره آياق قويدوقدا ، وئر ديگي فخر
اوچون اوتانج دان آلني نا تَر سوزور.
آمما بيلقئيس كي اؤزونو تانيتمادان قاتميشدي 400 كنيزين ايچينه كي هاميسي دا بير قيليق گئيينميشديلر سليماني ايمتاحانا چكير . حضرت سليمان اونلارين ايچيندن بيلقئيسي تاني ياراق ايكينجي بير ايمتاحان قابا غا گلير . بيلقئيس اونا بير آغزي باغلي صانديق هديه وئره رك اونون ايچينده نه اولدوسونو سوروشور. سليمان يئنه ده دوزجواب وئرير. نهايت ده بيلقئيس ايستير كي بيتؤو بير ميرواريد دن اينجه بير تئل كئچيره و آلي ده او ميرواريده دَيمه يه . حضرت سليمان ذرّه بوي دا بير قاريشقادان ايستير كي او اينجي ني دَله رك آراسيندان اينجه ايپك بير ايپ كئچيرده كي ائله ده اولور . حضرت سليمان مرواريدي بلقيس ين بوينونا آساراق بيلقئيس ده تانري يا و سليمانين ايلاهي رسالتينه اينا ناراق آرالاريندا نيكاح قيلينير .
ائولن مه دن اؤنجه بيلقئيس ين حضرت سليمانا ، نئچه هديه سي اولور كي اونلاردان بيري " حمير " شاهلاريندان ياديگار قالان بير عصا ايدي و بيري ده بولور پارلاق بير قاب . بير شرطي ده اولور كي گرك حضرت سليمان او قابي ائله بير سودان دولدورا كي اوسويو نه يئرده تاپماق اولا نه گؤي ده . بو اوزدن ده سليمان ايلخي نين آتلاريني او قَدَر قاچيردير كي جانلاريندان سو كيمي تر آخيري و آخان تر لري قابا ييغاراق قايتارير بيلقئيسه .
حضرت سليمان لا بيلقئيس، شان شؤهرت لرينه ياراشان بير توي توتاركن سبا يوردونون عجاييب لريني گؤرمك اوچون سبا يئلي نين قاناد لارينا مينيب چيخير لار گز مه يه . اونلار بيرگه و سعادت دولو حيات سوره ره ك بير گون سليمان ، سارايين لاپ اوجا قاتينا چيخاراق اؤلكه سيني گؤزدن كئچيرير. خلقي آراميش ده و يوردونو دينج و آباد گؤردوك ده سئوينير و طبيعتين گؤزل ليك لرينه واله قالاراق تانري يا شوكر ائدير .
حئيرا ن ليق لارايچره غرق اولا ن سليمان بيردن بيره عزرائيله توش چيخيب ، گولوش و ريضايت له جانيني تسليم ائديري. حضرت سليمان جان وئر ديك ده عصاسينا دايانيب يوكسك لردن يئره باخديقينا گؤره كيمسه اونو اؤلموش بيلمه ييب و هامي ظن ائدير كي بودا بير معجزه دير . نييه كي سارايين اوجا قاتينا چيخديقدا بيلقئيسه و هامي يا تاپشير ميشدي كي اؤزو يئره يئنمه يينجه كيمسه اونو ن داليجا گلمه سين . تا كي گونلرين بييرينده كي دوز بير ايل اوزامان دان كئچميشدي و هامي دا سليماني ،عصاسينا سؤيكن ميش حالدا گؤرور دو، تانري نين امري له سئوگيليسي بيلقئيسين هديه ائله دييي عصاني مورلر يييه رك سليمان پيغمبر ييخلير كي بو نو گؤره ن خلق يارديما قوشور . ساراي اهلي كؤمه يه گئتديك ده گؤرورلركي حضرت سليمان بير ايل ايميش كي ائله اؤلموش اوموش .